Nuacht

Thionóil Comhpháirtíocht Sábháilteachta Pobail Áitiúil Chathair na Gaillimhe (CSPÁ) a céad chruinniú reachtúil le hionadaithe tofa áitiúla agus le comhaltaí den Oireachtas Dé hAoine, an 18 Meán Fómhair 2026 san Aula Maxima in Ollscoil na Gaillimhe. Tionóladh an cruinniú i gcomhréir le forálacha an Achta um Póilíneacht, Slándáil agus Sábháilteacht Pobail, 2024 agus d'fhreastail baill den Chomhpháirtíocht, ionadaithe poiblí, eagraíochtaí pobail, gníomhaireachtaí reachtúla agus príomhpháirtithe leasmhara air chun cúrsaí nár mhór tús áite a thabhairt dóibh a phlé chun sábháilteacht agus folláine a fheabhsú ar fud Chathair na Gaillimhe.

Tá áthas ar Chomhairle Cathrach na Gaillimhe a Leabhrán nua ar Theacht Aniar an Duine agus Athléimneacht an Phobail a sheoladh, acmhainn phraiticiúil atá leagtha amach chun cabhrú le daoine aonair, le teaghlaigh agus le pobail a bheith réidh do chásanna éigeandála agus aghaidh a thabhairt orthu. Cuirtear treoir agus tacaíocht ar fáil sa leabhrán chun déileáil le réimse éigeandálaí agus tá sé dírithe ar chúnamh a thabhairt do dhaoine réitigh chiallmhara a dhéanamh roimh ré ionas go mbeidís in ann fanacht chomh neamhspleách agus is féidir le linn éigeandála nó aslonnaithe.

Gaillimh Ah-Boo! 2026: Taispeántas iontach Cultúir agus Cruthaitheachta na Gaillimhe, a bhfuil cáil dhomhanda air agus atá á roinnt leis an saol mór trí Thraidisiúin na Samhna.

Tá ceiliúradh á dhéanamh i mí Deireadh Fómhair ag Cathair na Gaillimhe ar ‘Mhí na Brataí Corcra’, le haitheantas do na daoine, na bearta páirtnéireachta agus na háiteanna a chuireann brí agus beocht ar bhealach soicheallach sábháilte in eacnamaíocht an tráthnóna agus na hoíche sa chathair. Is creidiúnú gradamúil idirnáisiúnta seo a bhronnann Cumann na mBainisteoirí Bailte Móra agus Cathrach ar líon áiteanna ar fud an domhain nach dtéann thar 100 áit agus atá gnóthaithe ag Lár na Cathrach i nGaillimh agus ag Bóthar na Trá i ngeall ar fheabhas na bainistíochta maidir le heacnamaíocht an tráthnóna agus na hoíche (6 i.n. go dtí 5 r.n.).

Is ceiliúradh bliantúil í Seachtain an Aoisithe Dhearfaigh (25 Meán Fómhair - 2 Deireadh Fómhair) ar an ionchur ríthábhachtach agus éagsúil a dhéanann daoine scothaosta dá bpobail, agus is deis í chun dúshlán a thabhairt don idirdhealú bunaithe ar aois. Tugann téama na bliana seo, 'Ceangal idir na Glúnta', cuireadh dúinn naisc a chothú, dúshlán a thabhairt do steiréitíopaí agus luach, agus taithí agus ionchur daoine atá scothaosta a aithint.

Tá Comhairle Cathrach na Gaillimhe ag tabhairt cuireadh do chónaitheoirí chuig sraith nua de na hOícheanta ar Thíosacht Fuinnimh a bheidh ar siúl ar fud na cathrach le linn 2026. Tabharfar deis do chónaitheoirí níos mó a fhoghlaim faoi fheidhmíocht fuinnimh san áras cónaithe a fheabhsú, billí fuinnimh a laghdú agus eolas a chur ar na roghanna iarfheistithe praiticiúla atá ar fáil ag na himeachtaí saor in aisce seo atá dírithe ar an bpobal.

Is ceiliúradh bríomhar a bhíonn in OÍCHE #BEACTIVE ina dtugtar spreagadh do dhaoine gach aois spraoi a bheith acu agus a bheith gníomhach ag an am céanna. Bí linn do haghaidh Rith Dathanna den scoth Dé Sathairn an 26 Meán Fómhair a thosóidh ag Trá na mBan i mBóthar na Trá.

Cuirfear fáilte roimh lucht ceaptha beartas sinsearach Eorpach, ceannairí gnó, údaráis réigiúnacha, taighdeoirí agus gníomhaireachtaí fiontraíochta go Gaillimh an fómhar seo agus comhdháil shuaitheanta á tionól ann lena scrúdófar todhchaí an iomaíochais réigiúnaigh, na nuálaíochta agus an fháis eacnamaíoch inbhuanaithe ar fud na hEorpa.

Tá áthas ar Chomhairle Cathrach na Gaillimhe a fhógairt go bhfuil Buiséad Rannpháirtíochta á reáchtáil aici don dara bliain as a chéile, agus go mbeidh sé dírithe i mbliana ar Cheantar Toghcháin Áitiúil Chathair na Gaillimhe Thiar.

Tá An Gairdín Síorghrá, gairdín cuimhneacháin nua i bPáirc na gCúig Chéad, i mBóthar na Trá oscailte ag Comhairle Cathrach na Gaillimhe atá dírithe ar thacaíocht a thabhairt do theaghlaigh a d’fhulaing breith anabaí, bás naíonáin agus bás páiste.