Tá Comhairle Cathrach na Gaillimhe, i gcomhar leis an tSeirbhís Náisiúnta Oidhreachta Tógtha, ag reáchtáil Clinic Caomhantais ina gcuirfear comhairliúcháin saor in aisce ar fáil le hAiltire Caomhantais Grád 2 de chuid na hInstitiúide Ríoga Ailtirí na hÉireann.
Tá na comhairliúcháin seo leagtha amach d’úinéirí foirgnimh agus d’áititheoirí chun plé agus sainchomhairle a fháil faoi chaomhnú agus cúram foirgneamh stairiúil. Díreoidh an Clinic Caomhantais ar an bhfoirgneamh atá ann cheana féin agus ní chlúdóidh sé síntí ná tógálacha nua.
Beidh Oifigeach Caomhantais Chomhairle Cathrach na Gaillimhe ar fáil ar an lá chomh maith más mian le húinéirí nó le háititheoirí a gcuid foirgnimh a phlé.
Tá an tionscadal sin ag tacú le sárchleachtas caomhantais agus cuidíonn sé le hoidhreacht thógtha Chathair na Gaillimhe a chaomhnú.
Coinníollacha incháilitheachta:
Tá an Clinic Caomhantais oscailte d’úinéirí nó d’áititheoirí foirgnimh i Limistéir Caomhantais Ailtireachta (LCA). Chun a fháil amach an Déanmhas nó an bhfuil sé lonnaithe in LCA, déan teagmháil le caomhnú@galwaycity.ie.
Cuir áit in Áirithe:
Beidh an Clinic Caomhantais ar siúl an 6 Meitheamh 2025 in PorterShed a Dó, 15 Sráid an Mhargaidh. Ní fheicfear ach daoine a bhfuil coinne déanta acu. Tá spásanna teoranta agus déanfar iad a thabhairt amach san ord ina dtiocfaidh daoine á n-iarraidh. 45 nóiméad a mhairfidh na coinní.
Chun áit saor in aisce a chur in áirithe, cliceáil ANSEO.
Chun an tairbhe is fearr a bhaint as do chomhairliúchán:
- Bí in ann cur síos soiléir a dhéanamh ar an gcineál foirgnimh atá agat (teachín, teach sraithe, srl.)
- Bí réidh chun eolas a thabhairt faoi na cúiseanna imní atá agat (taise, téamh, solas, srl.)
- Tabhair leat grianghraif den suíomh, de thaobh istigh agus amuigh an fhoirgnimh, d’aon tithe amuigh, srl.
- Tabhair leat plean urláir má tá sé ar fáil agus bíodh toisí garbha na seomraí ar eolas agat - cuirtear iad sin ar fáil go minic i bplean urláir ceantálaí.
- Bí in ann d’fhoirgneamh a aimsiú go sciobtha ar google maps/street view ar fhaitíos go mbeadh sé sin ag teastáil.
- Déan aon cheisteanna eile amhail rochtain ar thalamh, foirgnimh infheicthe, stádas cosanta an déanmhais, srl.
- D’fhéadfadh sé a bheith úsáideach roinnt nótaí a scríobh amach duit féin le bheith ina bpointí plé.
Tá Clinic Caomhantais Chathair na Gaillimhe maoinithe go páirteach ag an tSeirbhís Náisiúnta Oidhreachta Tógtha.