Íomhá: Cormac MacMahon
Tá Comhairle Cathrach na Gaillimhe, i gcomhar le CuriOcean agus Ollscoil na Gaillimhe, ag tabhairt cuireadh don phobal réitigh a mholadh chun dramhaíl agus bruscar a laghdú i limistéar Bhóthar na Trá ar laethanta gnóthacha samhraidh. Is catharnas é CuriOcean atá bunaithe i nGaillimh atá ag obair chun feasacht a ardú maidir le ceisteanna caomhnaithe muirí, féach ar www.CuriOcean.com ar feadh tuilleadh eolas.
Sa tionscadal nuálach seo rachfar i dteagmháil leis an bpobal áitiúil agus le cuairteoirí chun réitigh fhianaisebhunaithe a mholadh, le hoibrithe deonacha ar an talamh i mBóthar na Trá i mí Iúil agus i mí Lúnasa, ag bailiú aiseolais agus ag déanamh monatóireachta ar leibhéil an bhruscair. Tagann an tionscadal le roinnt Cuspóirí maidir le Forbairt Inmharthanach (SDGnna), ina measc SDG 6: Uisce Glan agus Sláintíocht agus SDG 11: Cathracha agus Pobail Inbhuanaithe.
Tugtar cuireadh don phobal áitiúil agus do chuairteoirí ar an gceantar suirbhé a líonadh isteach (ar líne, nó le hoibrithe deonacha i mBóthar na Trá) a dhíreoidh ar athrú iompraíochta, ar bhraistint dramhaíola agus ar an tionchar ar an gcomhshaol. Déanfar anailís ar na sonraí ina dhiaidh sin, mar aon le píosaí scannáin dróin de dhramhaíl agus de bhruscar ar na tránna i mBóthar na Trá chun forléargas cuimsitheach a fháil ar phatrúin bhruscair le linn buaicthréimhsí gnóthacha. Reáchtálfar ceardlanna ina dhiaidh sin freisin, chun a chinntiú go mbeidh pobail áitiúla agus an inbhuanaitheacht i gcroílár aon réiteach atá beartaithe le linn buaicthréimhsí.
Dúirt Leas-Mhéra na Gaillimhe Cllr. Alan Cheevers, “Mar cheann de na cathracha is glaine in Éirinn sna torthaí IBAL le déanaí, agus i gceantar ina bhfuil Trá Bhratach Ghorm mór le rá, tá an tionscadal seo ríthábhachtach chun tuiscint a fháil ar na saincheisteanna casta a bhaineann le bainistiú bruscair agus dramhaíola i mBóthar na Trá. Is iarracht chomhoibríoch é an staidéar seo idir Comhairle Cathrach na Gaillimhe, an fhoireann in CuriOcean/Ollscoil na Gaillimhe, agus an pobal a thugann cuairt ar na taitneamhachtaí iontacha i mBóthar na Trá. Le staidéar cuimsitheach agus ionchur cuimsitheach den sórt sin, beidh Comhairle Cathrach na Gaillimhe in ann bearta fianaisebhunaithe cruthaitheacha a fhiosrú chun dul i ngleic le saincheisteanna bruscair sa cheantar le linn tréimhsí gnóthacha”.
Dúirt Oifigeach Feasachta Comhshaoil Chomhairle Cathrach na Gaillimhe, Fergal Cushen, “Is deis iontach é seo chun réitigh fhianaisebhunaithe ar bhruscar agus ar dhramhaíl a fhiosrú, bunaithe ar thuairimí na ndaoine a bhfuil cónaí orthu i mBóthar na Trá agus a thugann cuairt ar an áit. Bíonn Bóthar na Trá thar a bheith gnóthach i rith an tsamhraidh, agus bíonn go leor cineálacha éagsúla brú ar an gcomhshaol sa gceantar mar thoradh air seo. Tá sé mar aidhm ag Comhairle Cathrach na Gaillimhe a bheith ar thús cadhnaíochta i mbainistiú bruscair agus dul i ngleic leis an dramhaíl a eascraíonn as líon ard cuairteoirí chuig an gceantar, ar an mbealach is inbhuanaithe is féidir”.
Tugtar cuireadh don phobal faisnéis a roinnt maidir leis na háiteanna is measa bruscair, smaointe chun déileáil le bruscar agus na cúiseanna le caitheamh bruscair le linn tréimhsí gnóthacha i mBóthar na Trá.
Dúirt Juana Lungmann ó CuriOcean, “Táimid thar a bheith sásta bheith ag comhoibriú leis an gComhairle Cathrach don tionscadal seo. Tháinig an smaoineamh don staidéar seo chun cinn go nádúrtha le linn na siúlóidí ar an bprom sna laethanta gnóthacha samhraidh agus ón aiseolas a fuaireamar agus muid ag eagrú glantacháin trá i mBóthar na Trá. Is iontach an rud é an Chomhairle Cathrach a fheiceáil ag glacadh páirte linn sa togra seo. Ba chóir go mbainfeadh muintir Bhóthar na Trá agus ár dtimpeallacht mhuirí álainn tairbhe as torthaí an staidéir agus na ceardlanna a leanfaidh uaithi.”
Tá Fergal Cushen agus Diarmaid Ó Nualláin ó Chomhairle Cathrach na Gaillimhe ag spreagadh an phobail páirt a ghlacadh sa suirbhé mar chuid dár dtiomantas leanúnach réitigh nuálacha a spreagadh maidir le bainistiú bruscar.
Molann Comhairle Cathrach na Gaillimhe do gach duine páirt a ghlacadh, an teachtaireacht a scaipeadh, agus bhur gcuid smaointe a roinnt chun dul i ngleic le bruscar agus dramhaíl i mBóthar na Trá.
Tá suirbhé ar líne ar fáil ag: https://forms.gle/sHKCwV3593kLqrsu7