Tá Comhairle Cathrach na Gaillimhe agus Comhairle Chontae na Gaillimhe ag lorg Léirithe Spéise maidir le díol agus forbairt eacnamaíoch amach anseo iarshuíomh Aerfort na Gaillimhe sa gCarn Mór.
Tá 118 acra ann agus éadanas bóthair ar thrí bhóthar chomh maith leis an gcumas freastal ar iliomad úsáidí, faoi réir criosaithe agus pleanála.
Cheannaigh Comhairle Cathrach na Gaillimhe agus Comhairle Chontae na Gaillimhe an suíomh i mí na Samhna 2013, dhá bhliain tar éis deireadh teacht le hoibríochtaí tráchtála an aerfoirt.
Leagtar béim ar iar-Aerfort na Gaillimhe sa Straitéis Réigiúnach Spásúil agus Eacnamaíochta 2020-2032 mar phríomhshuíomh deiseanna agus meastar go bhfuil ríthábhacht leis d'fhás eacnamaíoch Cheantar Uirbeach na Gaillimhe.
De bhrí go bhfuil sé suite ar shuíomh iontach feadh Chonair Eacnamaíoch Straitéiseach na Gaillimhe agus Chonair Eacnamaíoch an Atlantaigh, mar a aithnítear sa Chreat Náisiúnta Pleanála, is deis iontach é d'fhorbairt réigiúnach.
Tar éis dul i gcomhairle le Comhaltaí Tofa ag an gComhghrúpa Beartais Chorparáidigh den dá Chomhairle, fógraíodh an próiseas Léirithe Spéise ar na meáin áitiúla agus náisiúnta chun tograí a mhealladh don phríomhthalamh forbartha, lena n-áirítear dhá fhoirgneamh haingir atá ann cheana féin agus carrchlós fairsing.
Bhí an méid seo a leanas le rá ag Liam Conneally, Príomhfheidhmeannach Chomhairle Chontae na Gaillimhe, "Mar atá leagtha amach i bPlean Forbartha Chontae na Gaillimhe 2022-2028, is é an fhís atá againn d'iarthailte an aerfoirt forbairt eacnamaíoch a dhéanamh ar scála a mbeidh tionchar réigiúnach aige. Táimid ag lorg tograí nuálacha a léireoidh acmhainneacht an phríomhshuímh seo agus a spreagfaidh fás eacnamaíoch agus forbairt inbhuanaithe i nGaillimh."
Dúirt Leonard Cleary, Príomhfheidhmeannach Chomhairle Cathrach na Gaillimhe, "Tá an suíomh seo suite díreach in aice le Bóthar N6/M6 Bhaile Átha Cliath go Gaillimh, agus tá rochtain éasca aige ar mhótarbhealaí an M17 agus an M18 agus níl sé ach 8 gciliméadar ó lár Chathair na Gaillimhe. Is áit iontach é le haghaidh tionscadail nuálacha. Tá an talamh forbartha suite gar do na limistéir mhóra fostaíochta atá ann cheana féin, mar shampla Eastát Tionscail na Páirce Móire agus na tailte eile IDA atá ann cheana in Órán Mór agus i mBaile Átha an Rí."
5:00in an 23 Bealtaine 2025 an spriocdháta le haghaidh Léirithe Spéise.
Chun tuilleadh eolais a fháil, déan teagmháil le Power Property ag 091 567 331/ pj@ppg.ie nó Keane Mahony Smith ag 091 563 744 / info@kmsgalway.com
Léigh níos mó ag https://www.daft.ie/commercial-property-for-sale/47-84-hectares-118-21-acres-carnmore-co-galway/6115742