Fógra i dtaobh Breithniú a dhéanamh ar Scéim a shocrú chun Rátaí a Laghdú i leith Maoine Folmha
Déantar foráil shonrach in alt 9 den Acht um Rátaí Rialtais Áitiúil agus Nithe Eile, 2019, go bhféadfaidh comhaltaí tofa d’údarás áitiúil scéim a dhéanamh lena ndéanfar foráil maidir le rátaí a laghdú i leith réadmhaoine folmha agus go gceadófar scéim den sórt sin ag cruinniú buiséid an údaráis áitiúil, maidir leis an mbliain airgeadais áitiúil a mbeidh feidhm ag an scéim maidir léi.
Déanfaidh Comhairle Cathrach na Gaillimhe breithniú ar scéim lena ndéantar foráil do laghdú ar rátaí i leith réadmhaoine folmha, agus beidh feidhm ag an scéim sin sa bhliain airgeadais áitiúil 2026.
Cuireann Comhairle Cathrach na Gaillimhe fáilte roimh aighneachtaí i scríbhinn ón bpobal maidir leis an ábhar seo ina gclúdaítear go sonrach na héifeachtaí a d'fhéadfadh a bheith ag scéim lena bhforáiltear do laghdú rátaí i ndáil le réadmhaoin fholamh ar ghnólachtaí, ar dhaoine aonair agus ar sheirbhísí údaráis áitiúil
Ní mór aighneachtaí a bheith faighte faoi 5pm Déardaoin, 16 Deireadh Fómhair 2025 agus iad a sheoladh ar ríomhphost chuig: rates@galwaycity.ie
nó
nó tríd an bpost chuig:
SCÉIM CHUN RÁTAÍ A LAGHDÚ I LEITH MAOINE FOLMHA ROINN RÁTAÍ TRÁCHTÁLA,
ROINN AIRGEADAIS,
HALLA NA CATHRACH,
BÓTHAR AN CHOLÁISTE,
GAILLIMH
H91 X4K8
Chun tuilleadh eolais a fháil, féach www.galwaycity.ie
Sínithe: Leonard Cleary,
Príomh-Fheidhmeannach,
Comhairle Cathrach na Gaillimhe.
Dar dáta: 2ú Deireadh Fómhair 2025