Páirceáil i gCathair na Gaillimhe

Má tá tú ag páirceáil i gcarrchlóis nó ar an tsráid i nGaillimh, tá réimse bealaí ann le n-íoc.

Tá páirceáil phoiblí i nGaillimh roinnte ina gcúig zón páirceála:

  • Ar an tSráid (GCOS);
  • Carrchlós Bhóthar na Díge (GDRC),
  • Carrchlós an Ardeaglais (GCTH),
  • Carrchlós Shráid an Mhuilinn (GMCP)
  • Carrchlós Bhóthar Shandair (GBGC)

Is Iomaí Bealach atá ann le hÍoc as Páirceáil

Tá bealaí éasca éagsúla ann anois le híoc as páirceáil i gCathair na Gaillimhe. 

Roghnaigh an bealach is fearr a oireann duit:

  • Aip: íoslódáil an aip Galway City Parking (Android agus iPhone).
  • Suíomh Gréasáin: íoc ar www.GalwayCityParking.ie
  • Fón: glaoigh ar na línte íocaíochta páirceála - (091) 894 300
  • Ar an Láthair (airgead tirim nó cárta): íoc in aon siopa miondíolacháin Payzone - cuardaigh an comhartha bándearg Payzone nó féach ar liosta de mhiondíoltóirí Payzone i gCathair na Gaillimhe, nó féach ar léarscáil de shuíomhanna Payzone i gCathair na Gaillimhe.

 Inis don mhiondíoltóir:

  • Uimhir chlárúcháin d’fheithicle,
  • An t-achar atá sé i gceist agat a bheith páirceáilte ann,
  • Do zón: Ar an tSráid (GCOS); Carrchlós Bhóthar na Díge (GDRC), Carrchlós an Ardeaglais (GCTH), Carrchlós Shráid an Mhuilinn (GMCP) nó Carrchlós Bhóthar Shandair (GBGC).

Leis na roghanna sin ar fad, ní theastóidh ticéad páipéir uait: is í uimhir chlárúchán do chairr do chruthúnas ar íocaíocht. 

Is féidir íocaíochtaí a dhéanamh in airgead tirim i siopaí miondíolacháin Payzone.

Tuigeann Comhairle Cathrach na Gaillimhe nach bhfuil roinnt meaisíní Íoc agus Taispeáin ar an tsráid ag obair fáil faoi láthair - moltar do chustaiméirí ceann de na modhanna íocaíochta thuas a úsáid.

Tá tacaíocht do chustaiméirí ar fáil do chustaiméirí a bhfuil deacrachtaí acu ag íoc ar pháirceáil. Glaoigh ar 091 89 4300 nó seol ríomhphost chuig Parking@Payzone.ie

Chun tuilleadh eolais a fháil, féach www.GalwayCityParking.ie 

Tábhachtach: Ní úsáideann Comhairle Cathrach na Gaillimhe cóid QR ar chomharthaí sráide. Bain úsáid as aipmhargaí oifigiúla nó clóscríobh an seoladh gréasáin go díreach.

Lean ár gcuid leathanaigh meán sóisialta nó www.GalwayCity.ie chun an t-eolas is déanaí a fháil.

 

Cineálacha Limistéir Pháirceála Íoc & Taispeáin:

  • Páirceáil ar an tsráid
  • Carrchlóis Phoiblí
  • Páirceáil do Dhaoine faoi Mhíchumas

 

Ionad díola Payzone

Chun Ionad díola Payzone a fháil, nó féach ar liosta de mhiondíoltóirí Payzone i gCathair na Gaillimhe, nó féach ar léarscáil de shuíomhanna Payzone i gCathair na Gaillimhe.

Payzone Locations

Páirceáil - Ceisteanna Coitianta

Conas agus cén áit a n-oibríonn páirceáil ar an tsráid?

 


Is féidir leat íoc as páirceáil ar aip 'Galway City Parking'; ar líne; ar an bhfón; nó ag siopa Payzone (féach na sonraí thuas).

Coinníollacha Páirceála Íoc & Taispeáin ar an tSráid:

Is iad na huaireanta inmhuirir ná 08.30am – 6.30pm Luan go Satharn agus 1pm – 6pm ar an Domhnach.

Tá uastréimhse fanachta 2 uair i gceist.

Táillí ná:

  • 50 cent ar feadh 15 nóiméad
  • €2 euro ar feadh uaire
  • €4 euro ar feadh dhá uair

Tá íosmhéid 50 cent i gceist

Is cion páirceála é fanacht i spás páirceála íoc & taispeáin ar feadh níos mó ná an uasteorainn 2 uair.

Tá carranna páirceáilte ar phriacal an úinéara.

Féach ar an léarscáil de Láithreacha Páirceála Íoc & Taispeáin i gCathair na Gaillimhe.

Conas agus cén áit a bhfeidhmíonn na carrchlóis phoiblí?

Carrchlóis Phoiblí
Roinntear Carrchlóis Phoiblí mar:

  • Carrchlóis Fadtéarmacha
  • Carrchlóis Gearrthéarmacha

Is carrchlóis iad Carrchlóis Fadtéarmacha ina ngearrtar táille laethúil de €6.50 in aghaidh an lae beag beann ar am nó fad fanachta sa charrchlós. 

Tá Carrchlóis Fadtéarmacha lonnaithe ag:

  • Rian na gCon, Bóthar an Choláiste,
  • Bóthar na Díge (in aice leis an Black Box Theatre)
  • Carrchlós Ardeaglais na Gaillimhe.

Ó dheireadh mhí Aibreáin 2022, is féidir ticéad Íoc agus Taispeáin míosúil €100 a cheannach freisin sna Carrchlósanna Fadtéarmacha atá suite ar Rian na gCon (Bóthar an Choláiste), Bóthar na Díge agus Ardeaglais na Gaillimhe. 

Íoctar an ticéad míosúil le cárta Creidmheasa/Dochair amháin. Tá meaisín sonrach chun ticéid mhíosúla a cheannach curtha isteach i ngach carrchlós fadtéarmach. 

Tá an meaisín inaitheanta le greamán buí agus tá comharthaí maithe ar an suíomh. Ní eisíonn na meaisíní seo ach ticéid mhíosúla. Beidh ort uimhir chláraithe na feithicle a thabhairt agus ticéad €100 á cheannach agat.

 

Is carrchlóis iad Carrchlóis Ghearrthéarmacha ina bhfuil ráta in aghaidh na huaire de €2 euro i bhfeidhm. Tá ráta laethúil de €20 ar fáil freisin.

Tá Carrchlóis Ghearrthéarmacha lonnaithe ag:

  • Sráid an Mhuilinn
  • Bowling Green, Baile Nua Gabha

Féach ar an léarscáil de shuíomh na gcarrchlós poiblí fadtéarmacha agus gearrthéarmacha.

Tabhair faoi deara go bhfuil dhá charrchlós dromchla saor in aisce i mBóthar na Trá

  • Ar an bpríomh phromanáid, Bóthar na Trá
  • Carrchlós Toft in aice le Gaillimh Atlantaquaria, Bóthar na Trá

Carrchlóis Phoiblí

Is féidir ticéid a cheannach ó na meaisíní atá suite sna carrchlóis le hairgead tirim nó le cárta creidmheasa.

Is iad na huaireanta inmhuirir ná 08.30am – 6.30pm Luan go Satharn agus 1pm – 6pm ar an Domhnach.

Tá carranna páirceáilte ar phriacal an úinéara.

An bhfuil aon charrchlóis phríobháideacha i gCathair na Gaillimhe?

Carrchlóis Phríobháideacha

Suíomh Líon na Spásanna
Óstán Jury, Quay St. 348
Óstán Harbour, Bóthar an Duga Nua. 114
Ionad na Faiche Móire, An Fhaiche Mhór 452
Óstán Radisson, Bóthar Loch an tSáile. 260
Carrchlós Faiche an Aonaigh, Bóthar Faiche an Aonaigh. 400
Debenhams, 1-4 Eyre St. 580
Carrchlós Hynes Yard, Bóthar na gCeannaithe. 480
Port na Gaillimhe Páirceáil ar Conradh: 200 spás
Páirceáil in aghaidh na huaire: 350 spás
Páirceáil Laistigh: 100 spás
Iomlán: 650 spás

Páirceáil Carbhán nó Cámpervans

Salthill Caravan Park  - https://salthillcaravanpark.com/

O'Hallorans Caravan Park Salthill

D’íoc mé as páirceáil ar an tsráid, ach níor eisigh an meaisín ticéad. Cad ba cheart dom a dhéanamh?

Tabhair faoi deara uimhir an mheaisín agus aon léiriú ar an locht - mar shampla: an bhfuil an chuma ar an bpáipéar go bhfuil sé á phriontáil ach go bhfuil sé ag dul in olcas ansin, nó an bhfuil an taispeáint ar an meaisín ag liostú an locht.

Déan teagmháil le Seirbhís do Chustaiméirí i gComhairle Cathrach na Gaillimhe ar an nguthán ar 091-536400 nó trí ríomhphost a sheoladh chuig customerservice@galwaycity.ie chomh luath agus is féidir agus tuairiscigh an méid seo a leanas:

  • uimhir an mheaisín (suite ar thaobh an mheaisín de ghnáth)
  • locht (má thaispeántar ar an scáileán)
  • méid airgid a cuireadh isteach sa mheaisín
  • tréimhse ama is mian leat fanacht páirceáilte
  • d’uimhir chláraithe feithicle.

Tá mé ag imeacht. An féidir liom íoc as páirceáil ar feadh cúpla lá le chéile?

Tá rogha modhanna íocaíochta anois ag lucht carranna i gCathair na Gaillimhe:

  • Íoc ar Aip – íoslódáil an aip ‘Galway City Parking’ ón siopa aipeanna a úsáideann tú de ghnáth agus íoc le cárta dochair nó cárta creidmheasa;
  • Íoc ar Líne – íoc le cárta dochair nó cárta creidmheasa ar www.GalwayCityParking.ie;
  • Íoc ar an bhFón – glaoigh ar 091 894300;
  • Ionad Miondíolacháin Payzone – íoc le hairgead tirim nó le cárta i gceann den 34 ionad miondíolacháin i gCathair na Gaillimhe;
  • Meaisín Íoc agus Taispeáin – íoc le hairgead tirim ag ceann den 90 meaisín sráide Í&T.

Ní ghearrtar aon táille as an aip Galway City Parking ná www.GalwayCityParking.ie a úsáid le híoc ar pháirceáil agus níl aon athrú déanta ar na táillí páirceála.

 

Beidh Cúnamh don Chustaiméir ar fáil ar 091 894300 nó ar Parking@Payzone.ie ag duine ar bith den lucht úsáide a mbíonn deacracht aige le híocaíocht nó leis an aip. 

Tá tuilleadh eolais agus Ceisteanna Coitianta ar fáil ar www.GalwayCityParking.ie

An féidir ticéid Íoc agus Taispeáin a aistriú chuig sráideanna eile?

Tá. Féadfaidh custaiméirí an ticéad páirceála céanna a úsáid in ionad páirceála Íoc & Taispeáin eile, chomh fada agus nach sáraíonn siad an t-uasmhéid ama atá sonraithe ar an ticéad páirceála Íoc agus Taispeáin.

An féidir na ticéid Íoc agus Taispeáin do charrchlóis a aistriú chuig carrchlóis eile de chuid GCC?

Ní féidir, caithfidh an ticéad atá ar taispeáint a bheith ceannaithe sa charrchlós ina bhfuil d'fheithicil páirceáilte. Tá uimhir an mheaisín agus an t-achar clóbhuailte ar gach ticéad íoc & taispeáin agus ní féidir é a úsáid ach amháin sa limistéar a shonraítear.

An féidir liom mo mhótarcháin a íoc in oifigí Chomhairle Cathrach na Gaillimhe?

Ní hea - riartar Mótarcháin ag oifigí Chomhairle Chontae na Gaillimhe thar ceann na Comhairle Cathrach mar sheirbhís chomhroinnte.

Le haghaidh tuilleadh eolais déan teagmháil le:

Comhairle Chontae na Gaillimhe,
Halla an Chontae,
Cnoc na Radharc,
Gaillimh

Teil: 091 509000

Féach http://www.galwaycoco.ie/ga/Services/MotorTax

Is féidir leat do Mhótarchánach a athnuachan ar líne freisin ag www.motortax.ie

Is mian liom feithicil atá páirceáilte go mídhleathach a thuairisciú

Déan teagmháil le Seirbhís do Chustaiméirí ar 091-536400 nó customerservice@galwaycity.ie le cláruimhir na feithicle agus suíomh na feithicle. Cuirfimid na Maoir Tráchta ar an eolas faoin gceist.