Tionscadal Athchóirithe Choill Mhuirlinne

Meascán de chrainn leathanduilleacha agus crainn bhuaircíneacha a bhí i gCoill Mhuirlinne le blianta fada agus bhain idir dhaoine agus an fiadhúlra taitneamh aisti. Sprús Lochlannach atá in thart ar 50% den choillearnach a cuireadh sna 1960idí mar bharr plandála tráchtála. Rinneadh damáiste mór don chuid is mó de na crainn sin le linn Stoirm Éowyn. 

Is fiú a rá gur speicis dhúchasacha agus leathanduilleacha is mó atá sna háiteanna a ndearnadh an damáiste is lú dóibh le linn Stoirm Éowyn, rud a léiríonn seasmhacht na coillearnaí dúchasaí. Ní speiceas dúchasach é an sprús Lochlannach. 

Tá dhá chéim sa bplean

Céim 1 – Crainn a ndearna stoirm damáiste dóibh a leagan

• Crainn a ndearna stoirm Éowyn damáiste dóibh a leagan

 Céim 2 – Speicis dhúchasacha a chur ina n-áit agus áis don phobal a dhéanamh den choill arís

• Iarratas ar mhaoiniú don obair athchóirithe a chur chuig an Roinn faoin Scéim NeighbourWood
• Tosú ar an gcur chomh luath agus atá an áit glanta le cosáin a chruthú don fhiadhúlra
• Speicis dhúchasacha a chur sa gcoillearnach nuair a bheidh maoiniú faighte

Cuspóirí an phlean

• An choillearnach a thabhairt ar ais arís chun go mbeidh an pobali in ann í a úsáid go sábháilte mar choill uirbeach 

• Í a athphlandáil mar choillearnach dhúchasach faoin Scéim NeighbourWood

• Áiseanna a chur sa gcoill le maoiniú ón Scéim NeighbourWood

• Mar chuid den phlean: 

  • coinneofar na crainn dhúchasacha agus leathanduilleacha atá ann cheana féin

  • tabharfar cosaint do na gnáthóga aolchloiche/boirne

  • tabharfar cosaint do na séadchomharthaí náisiúnta agus don oidhreacht thógtha

  • coinneofar bearta i bhfeidhm chun go mbeidh a laghad tionchair agus is féidir ar chlaíocha cloiche agus ar an bhfiadhúlra

Tá bearta san áireamh sa bplean a laghdóidh 

• An tionchar ar an bhfiadhúlra 

  • An tionchar ar ghnáthóga

  • Tosófar ar an gcur chomh luath agus a bheidh an áit glanta chun cosáin a chruthú don fhiadhúlra

Beidh clár beathaithe ann don iora dúchasach sula dtosófar ar an obair

33.41 heicteár achar iomlán Choill Mhuirlinne

Coinneofar 18 heicteár (is é sin 54% de na crainn atá ann cheana)

Tá 4.34 heicteár den limistéar atá le coinneáil faoi sprúis bhuaircíneacha Lochlannach

Glanfar 15.41 heicteár - seo crainn bhuaircíneacha atá tite nó a bhfuil damáiste déanta dóibh

Tionscadal Athchóirithe Choill Mhuirlinne

 

Céard a leagfar  
Céard a choinneofar  

Iarradh sainchomhairle ó Roinn na Zó-eolaíochta in Ollscoil na Gaillimhe faoin tionchar a bheadh ar an iora rua

Bunaithe ar an gcomhairle seo socraíodh 

• limistéir na gcrann atá le cosaint fad is atá an glanadh ar siúl
• bearta beathaithe atá an Chomhairle Cathrach in ann a chur i bhfeidhm láithreach
• tosú ag cur nuair a bheidh an áit glanta le go bhféadfaidh an t-iora rua gluaiseacht thart sa bhforaoi

Baineann Céim 1 den tionscadal le fáil réidh leis na crainn a bhfuil damáiste déanta ag stoirmeacha dóibh agus tá sé seo á dhéanamh neodrach ó thaobh costais de don Chomhairle. Ciallaíonn sé seo nach gcaithfear an conraitheoir a íoc as na crainn a bhaint.

Baineann Céim 2 den tionscadal le speicis dhúchasacha a chur sa limistéar ina raibh na crainn bhuaircíneacha agus áis don phobal a dhéanamh den choill arís. Iarrfar maoiniú don obair seo ar an Roinn Talmhaíochta, Bia agus Mara tríd an Scéim NeighbourWood. D'fhéadfadh an scéim suas le 85% den chostas a chlúdach. Caithfear an chuid eile den chostas a chlúdach trí shruthanna maoinithe eile, agus/nó as buiséid na Comhairle.

Chun tuilleadh eolais a fháil faoi chiste na Scéime NeighbourWood, cliceail anseo