Iompar

Beidh ar do chumas do cheadúnas tiomána a mhalartú má eisíodh an ceadúnas tiomána i dtír de chuid an AE nó an LEE. Má theastaíonn uait do cheadúnas tiomána AE nó LEE a mhalartú, ní mór duit é sin a dhéanamh laistigh de 10 mbliana den dáta éaga. Is féidir leat ceadúnas tiomána na Ríochta Aontaithe a mhalartú freisin.
Is féidir ceadúnas tiomána Stát Aitheanta a mhalartú freisin suas chomh fada le huastréimhse aon bhliain amháin tar éis an dáta éaga. Ní mór d'iarratasóir, tar éis na tréimhse seo, iarratas a dhéanamh ar cheadúnas foghlaimeora.
Má eisíodh do cheadúnas i dtír atá lasmuigh den AE nó den LEE, is féidir leat iarratas a dhéanamh an ceadúnas a mhalartú ar cheadúnas Éireannach má eisíodh do cheadúnas i Stát Aitheanta um Malartú. Féach, le do thoil, an tSeirbhís Náisiúnta um Cheadúnais Tiomána - Liosta de Stáit Aitheanta um Malartú Liosta de Stáit Aitheanta um Malartú

Iarratas a dhéanamh ar líne

Is féidir leat iarratas a dhéanamh ar líne chun do cheadúnas tiomána a mhalartú. Ní mór duit cuntas MyGov ID a bheith agat. Iarratas ar líne: Conas Ceadúnas Tiomána Iasachta a Mhalartú - an tSeirbhís Náisiúnta um Cheadúnais Tiomána

Iarratas a dhéanamh ar an láthair

Is féidir leat iarratas a dhéanamh go pearsanta i gceann d'ionaid an NDLS. Ní mór duit coinne a dhéanamh.. Déan Coinne - an tSeirbhís Náisiúnta um Cheadúnais Tiomána

Uaireanta, d'fhéadfadh sé nár mhór don NDLS teagmháil a dhéanamh leis an tír a d'eisigh do cheadúnas tiomána. Más é sin an cás, d'fhéadfadh sé go dtógfadh sé níos faide sula mbeidh sé ar a gcumas ceadúnas tiomána a thabhairt duit in Éirinn.

Ar ghlacadh le stádas cónaithe, ba cheart duit iarratas a dhéanamh ar cheadúnas tiomána Éireannach, ach, mura bhfuil ar do chumas do cheadúnas tiomána iasachta a mhalartú, ní mór duit tabhairt faoin bpróiseas maidir le 'foghlaim le tiomáint'. 

• Ní mór duit  Tástáil Teoirice Tiomána an RSAa bhaint amach ar an gcéad dul síos,
• déan iarratas ar do  Chéad Chead Foghlaimeora,
• cúrsa maidir le hOiliúint Riachtanach do Thiománaithe (EDT) a chomhlánú agus,
• do thástáil tiománaí a phasáil in Éirinn.

An 21 Eanáir 2019, thug an RSA clár EDT laghdaithe isteach do shealbhóirí tiomána dóibh siúd nach bhfuil ar a gcumas a gceadúnas tiomána a mhalartú in Éirinn. Is féidir leis na tiománaithe seo iarratas a dhéanamh le leas a bhaint as EDT laghdaithe, tráth a n-éileofar orthu anois tabhairt faoi íosmhéid de shé cheacht tiomána in ionad dhá cheann déag. Is féidir leo iarratas a dhéanamh freisin iad a dhíolmhú ón ngnáth-thréimhse fanachta sé mhí sula bhféadfaidh sealbhóirí a bhfuil a gcéad chead foghlaimeora acu tástáil tiomána a dhéanamh.

Má phasálann tú do thástáil tiomána, beidh ar do chumas ansin iarratas a dhéanamh ar cheadúnas tiomána iomlán Éireannach. Féach, le do thoil, na riachtanais chun iarratas a dhéanamh ar Cheadúnas Tiomána Iomlán

Tá tuilleadh eolais le fáil ar;

Ceadúnais tiomána iasachta in Éirinn (citizensinformation.ie)

An chaoi le Ceadúnas Tiomána Iasachta a Mhalartú - an tSeirbhís Náisiúnta um Cheadúnais Tiomána (ndls.ie)