Comhpháirtíochtaí Sábháilteachta Pobail Áitiúil

Is tionscnamh nua rialtais í an Chomhpháirtíocht Sábháilteachta Pobail Áitiúil ina dtugtar le chéile baill an phobail, na hearnálacha deonacha agus pobail, seirbhísí reachtúla agus comhairleoirí áitiúla chun oibriú le chéile agus ceisteanna sábháilteachta pobail a aithint agus dul i ngleic leo ar bhonn áitiúil. Ag cur le hobair na gComhchoistí Póilíneachta, tugann na Comhpháirtíochtaí Sábháilteachta Pobail Áitiúla na seirbhísí stáit ábhartha go léir agus an pobal le chéile ag leibhéal an údaráis áitiúil chun fóram iomlánaíoch a chur ar fáil le haghaidh plé, cinntí agus gníomhaíochta ar thosaíochtaí pobail áitiúla.

Comhpháirtíocht Sábháilteachta Pobail Áitiúil  Chathair na Gaillimhe

Comhpháirtíocht Sábháilteachta Pobail Áitiúil

Is tionscnamh nua rialtais í an Chomhpháirtíocht Sábháilteachta Pobail Áitiúil ina dtugtar le chéile baill an phobail, na hearnálacha deonacha agus pobail, seirbhísí reachtúla agus comhairleoirí áitiúla chun oibriú le chéile agus ceisteanna sábháilteachta pobail a aithint agus dul i ngleic leo ar bhonn áitiúil. Ag cur le hobair na gComhchoistí Póilíneachta, tugann na Comhpháirtíochtaí Sábháilteachta Pobail Áitiúla na seirbhísí stáit ábhartha go léir agus an pobal le chéile ag leibhéal an údaráis áitiúil chun fóram iomlánaíoch a chur ar fáil le haghaidh plé, cinntí agus gníomhaíochta ar thosaíochtaí pobail áitiúla.

Sábháilteacht Pobail 

Baineann coincheap na sábháilteachta pobail le daoine a bheith sábháilte agus a bheith ag mothú sábháilte ina bpobail, leis an gcreideamh bunúsach go bhfuil sé de cheart ag gach pobal maireachtáil agus mothú sábháilte chun bheith faoi bhláth.

Cur Chuige Comhpháirtíochta

Tá cur chuige na Comhpháirtíochta Sábháilteachta Pobail Áitiúil bunaithe ar an bprionsabal nach é an Garda Síochána amháin a bhfuil dualgas póilíneachta orthu agus go bhfuil ranna rialtais eile i gceist amhail an roinn sláinte agus seirbhísí sóisialta.

Tá an cur chuige comhpháirtíochta seo bunaithe ar dhá bhonn:

  1. Go bhfuil gach pobal éagsúil agus go mbíonn fadhbanna agus ceisteanna éagsúla acu.
  2. Go bhfuil gá le réimse ionchur ó gach cearn den Rialtas, ó sheirbhísí áitiúla, ón earnáil dheonach agus ón bpobal féin chun dul i ngleic leis na fadhbanna agus na ceisteanna sin.

Tá na heilimintí seo a leanas ag teastáil chun freagairt do na ceisteanna a sainaithníodh thuas.

  • Rannpháirtíocht Pobail chun riachtanais an phobail a shainaithint.
  • Tiomantas agus ceannach isteach ó sholáthraithe seirbhísí Stáit, áitiúla agus deonacha chun oibriú le chéile chun aghaidh a thabhairt ar na riachtanais sin.

Tá cur chuige na Comhpháirtíochta Sábháilteachta Pobail Áitiúil ag teacht le cur chuige chomhchosúil i réimsí beartais gaolmhara amhail na Coistí Forbartha Pobail Áitiúil atá ann cheana.

Cuspóirí na Comhpháirtíochta Sábháilteachta Pobail Áitiúil i gCathair na Gaillimhe

Is iad príomhchuspóirí na Comhpháirtíochta Sábháilteachta Pobail Áitiúil i gCathair na Gaillimhe ná:

  • Tosaíocht a thabhairt do cheisteanna arna sainaithint ag an bpobal mar ábhair imní sábháilteachta.

  • Rannpháirtíocht pobail agus ionadaíocht ar an gComhpháirtíocht Sábháilteachta a chinntiú.

  • Comhoibríocht idir eagraíochtaí éagsúla a fheabhsú. 

  • Muinín an phobail i soláthraithe earraí agus seirbhísí a fheabhsú.

Ina theannta sin, féachann Comhpháirtíocht Sábháilteachta Pobail Áitiúil Chathair na Gaillimhe le rannpháirtíocht leanúnach an phobail a chothú maidir le riachtanais a aithint agus réitigh a chomhdhearadh, le tiomantas leanúnach ó sheirbhísí agus iad ag obair le chéile chun aghaidh a thabhairt ar na riachtanais sin. 

Ballraíocht na Comhpháirtíochta Sábháilteachta Pobail Áitiúil i gCathair na Gaillimhe

Ceann de na buntuiscintí a bhfuil an cur chuige comhpháirtíochta bunaithe air ná go bhfuil gach pobal éagsúil agus go mbíonn fadhbanna agus ceisteanna éagsúla acu.

Tá an tAire Dlí agus Cirt, Gnóthaí Baile agus Imirce tar éis rialacháin a eisiúint i ndáil le ballraíocht Comhpháirtíochtaí Sábháilteachta Pobail Áitiúla. Déantar foráil sna rialacháin maidir leis an gComhpháirtíocht a bhunú agus ní mór tríocha ball ar a mhéad a bheith ann. 

I measc na mball sin beidh seachtar comhaltaí tofa ó Chomhairle Cathrach na Gaillimhe, chomh maith le hionadaithe ó phobail, soláthraithe seirbhíse agus páirtithe leasmhara eile.

Tá ceithre chomhlacht earnála poiblí ainmnithe le haghaidh ballraíocht éigeantach sna rialacháin maidir le Comhpháirtíochtaí Sábháilteachta Pobail Áitiúla: an t-údarás áitiúil ábhartha, an Garda Síochána, FSS agus Tusla.

Ainmnítear gach ball eile den Chomhpháirtíocht Sábháilteachta Pobail Áitiúil tríd an Oifig Náisiúnta um Shábháilteacht Pobail chuig an Aire lena cheapadh nó lena ceapadh ar bhonn ceann amháin nó níos mó de na critéir sin a leanas:

(a) ionadaíocht a dhéanamh ar chomhlachtaí pobail agus deonacha áitiúla,

(b) ionadaíocht a dhéanamh ar leasanna pobail áitiúil, nó

(c) taithí nó saineolas ábhartha a bheith acu ar shlí eile.

Roghnóidh Príomhfheidhmeannach Chomhairle Cathrach na Gaillimhe na baill seo i gcomhairle leis an Oifig Náisiúnta um Shábháilteacht Phobail, a dhéanfaidh breithniú ar dhéimeagrafaic áitiúil agus ar thosca eile chun an ionadaíocht is leithne a thabhairt ar fud leasanna earnála sábháilteachta pobail, leasanna déimeagrafacha agus pobail i limistéar riaracháin na Comhpháirtíochta Sábháilteachta Pobail Áitiúil, agus chun na torthaí sábháilteachta pobail is fearr a bhaint amach don cheantar sin. Ceapfaidh an tAire Dlí agus Cirt, Gnóthaí Baile agus Imirce na baill seo ar feadh téarma trí bliana.

Bainisteofar ballraíocht i gComhpháirtíocht Sábháilteachta Pobail Áitiúil Chathair na Gaillimhe go réamhghníomhach chun comhlíonadh na riachtanas a chinntiú, ach freisin chun ionadaíocht leathan agus feidhmiú éifeachtach na Comhpháirtíochta Sábháilteachta a chinntiú. 

Cruinnithe na Comhpháirtíochta Sábháilteachta Pobail Áitiúil i gCathair na Gaillimhe

Tionólfar cruinnithe na Comhpháirtíochta Sábháilteachta Pobail Áitiúil i gCathair na Gaillimhe uair sa ráithe ar a laghad ach is féidir leo teacht le chéile chomh minic agus a mheastar a bheith riachtanach chun a gcuid oibre a dhéanamh go héifeachtach.  Ina theannta sin, ceanglaítear ar an gComhpháirtíocht Sábháilteachta cruinniú dúnta amháin ar a laghad a thionól in aghaidh na bliana d’ionadaithe tofa (Teachtaí Dála agus Comhairleoirí), chomh maith le cruinniú oscailte poiblí eile.

Plean Sábháilteachta Pobail Chathair na Gaillimhe

Forbróidh Comhpháirtíocht Sábháilteachta Pobail Áitiúil Chathair na Gaillimhe Plean Sábháilteachta Pobail chun riachtanais an phobail áitiúil a chomhlíonadh. Leagfar amach ann na gníomhartha atá le déanamh chun sábháilteacht pobail a fheabhsú agus chun ligean do phobail seirbhísí áitiúla a choinneáil cuntasach as an bplean a chur i bhfeidhm. 

 

Sonraí Teagmhála na Comhpháirtíochta Sábháilteachta Pobail Áitiúil i gCathair na Gaillimhe:

Ginearálta: Ríomhphost: communitysafety@galwaycity.ie

Comhordaitheoir: Kelly Slattery Ríomhphost: Kelly.slattery@galwaycity.ie  T: (091) 536 301  M: (087) 6604063

Riarthóir: Chelsea McConn Joyce Ríomhphost: Chelsea.mcconnjoyce@galwaycity.ie