Tá gliondar croí ar Líonra Bhailte Múrtha na hÉireann agus Comhairle Cathrach na Gaillimhe ‘Seandálaíocht Foirgneamh a Fhiosrú’ (Discovering Buildings Archaeology) a chur ar siúl i gCathair na Gaillimhe an 17 Meán Fómhair 2025.
Fodhisciplín seandálaíochta í Seandálaíocht Foirgneamh, atá dírithe go príomha ar sheandálaíocht iarsmaí os cionn na talún. Is í aidhm an tseandálaí foirgneamh stair foirgneamh agus struchtúr atá ina seasamh a atógáil trí mhodhanna anailíseacha, eolaíochta, cartlainne agus suirbhéireachta.
Tá aitheantas níos mó bainte amach ag tábhacht an chuir chuige seo i gcomhthéacs na hÉireann le blianta beaga anuas agus léiríodh é seo i gcoinníollacha seandálaíochta foirgneamh atá i gceist maidir le cistiú deontais do chaomhnú, iarratais pleanála, agus toiliú seandálaíochta.
Cuirfear tús eolais ar fáil in ‘Seandálaíocht Foirgneamh a Fhiosrú’ ar an disciplín, le saineolaithe aitheanta – an Dr Shirley Markley, Stiúrthóir an Teastais i Seandálaíocht Foirgneamh ag ATU Sligeach agus ionadaithe Sheirbhís na Séadchomharthaí Náisiúnta agus na Seirbhíse Náisiúnta Oidhreachta Tógtha ina measc – agus cuirfear dóthain deiseanna ar fáil do cheisteanna agus plé lena linn. Ligfidh cuairteanna suímh um thráthnóna don lucht freastail iarsmaí foirgneamh luath a shainaithint, agus machnamh a dhéanamh ar chur chuige seandálaíochta foirgneamh a chur i bhfeidhm i gcleachtas.
Tá an t-imeacht seo ina ábhar spéise ginearálta, agus beidh sé ina ábhar spéise do sheandálaithe, ailtirí, cleachtóirí caomhnaithe, sonraitheoirí agus dóibh siúd a dhéanann measúnuithe seandálaíochta a choimisiúnú. Is í an aidhm an imeachta cuntas a thabhairt ar an méid ba cheart a bheith i gceist le cur chuige seandálaíochta foirgneamh i leith taifeadta agus sonraíochta agus blaiseadh a chur ar fáil den mhéid is féidir a bhaint amach tríd an gcur chuige a chur i bhfeidhm.
Chun áit saor in aisce a chur in áirithe cliceáil ANSEO
Clár Iomlán: