Bí linn ag 3ú Cruinniú Bliantúil um Chaomhnú Ailtireachta Chathair na Gaillimhe, Le Feiceáil, Le Meas, Le Cúram, trína dtugtar na daoine is mó tionchair i réimse an dearaidh uirbigh, na hailtireachta, an chaomhnaithe agus an taighde le chéile d’imeacht lae atá dírithe ar an gcéim ríthábhachtach a bhaineann le tuiscint a fháil ar fhoirgneamh nó ar áit.
Chun an ócáid a fheiceáil ar líne cliceáil ANSEO / Tosaíonn an craoladh ag 9.20 Dé hAoine 30 Deireadh Fómhair.
Tá áirithintí le haghaidh láithreacht I BPEARSANTA curtha in áirithe anois.
---
Foirgnimh agus áiteanna a bhfuil tábhacht ag baint leo, bíodh siad beag nó mór, is cáipéisí stairiúla iad ar bhealach, ar féidir iad a léamh agus a léirmhíniú.
Mar oidhreacht stairiúil, cothaíonn na háiteanna seo ceangal luachmhar lenár stair chomhroinnte agus leis na daoine a chruthaigh iad. Ag an am céanna, cuireann siad go mór lenár dtírdhreacha tógtha agus nádúrtha, agus leis an saol a chaitheann muid gach lá.
Is é tuiscint a fháil ar fhoirgneamh nó ar áit sula dtugtar faoi obair a dhéanamh air an chéad chéim riachtanach in obair chaomhnaithe. Is céim thábhachtach í sin chun a chinntiú go ndéantar na foirgnimh nó na háiteanna atá i gceist a bhainistiú agus a oiriúnú go cúramach fad a gcaomhnaítear an carachtar speisialta agus riachtanach a bhaineann leo.
Tríd an gcur chuige sin maidir le tuiscint, a leagtar amach i gCairt Burra na Comhairle Idirnáisiúnta um Shéadchomharthaí agus Shuíomhanna (ICOMOS)* mar phrionsabail, mar phróiseas agus mar chleachtais, leagtar béim ar an ngá atá leis an tábhacht a bhaineann le háit a dheimhniú, agus cuirtear treoir ar fáil maidir le háiteanna a bhfuil tábhacht chultúrtha ag baint leo a chaomhnú agus a bhainistiú.
I measc na gcainteoirí a bheidh páirteach tá: Angela Rolfe (Uachtarán ICOMOS Éireann) Alan Keenan (Oifig na nOibreacha Poiblí), Finola O’Kane (Coláiste na hOllscoile, Baile Átha Cliath, Scoil na hAiltireachta), Fergal McNamara (Ailtirí 7L), Richard McLoughlin (Ailtireacht agus Uirbeachas Lotts), Graham Hickey (Iontaobhas Cathartha Bhaile Átha Cliath), Sarah Gearty (Acadamh Ríoga na hÉireann), Paul Walsh (Comhúdar IHTA na Gaillimhe), Dave Pollock (Seandálaí / Archaeografix), Oliver Kinnane (FabTrads, Coláiste na hOllscoile, Baile Átha Cliath, Scoil na hAiltireachta), Merlo Kelly (Coláiste na hOllscoile, Baile Átha Cliath, Scoil na hAiltireachta), Dr. Karen Lysaght (Comhlaigh Southgate), agus Katia Papkovskaia (Ailtirí John McLaughlin).
Is féidir an clár iomlán a íoslódáil thíos:
Tá an t-imeacht SAOR IN AISCE seo bunaithe ar sheisiún maidine agus tráthnóna:
Léigh, Léirigh Meas / an próiseas a bhaineann le tuiscint a fháil
Fiosraigh na hacmhainní agus na teicnící a úsáidtear chun an tábhacht a bhaineann le foirgneamh nó le háit a dheimhniú.
Coimeád / An tuiscint sin a chur i bhfeidhm sa saol mar atá
Tabhair cluas éisteachta d’ailtirí agus do phleanálaithe ceannródaíocha agus iad ag caint faoin gcaoi a gcuirtear an tuiscint atá ag duine ar fhoirgneamh nó ar áit a chur i bhfeidhm sa saol mar atá.
---
Cuirtear 3ú Cruinniú Bliantúil um Chaomhnú Ailtireachta Chathair na Gaillimhe ar fáil i gcomhpháirtíocht leis an tSeirbhís Náisiúnta maidir le hOidhreacht Thógtha.
*Cairt ICOMOS na hAstráile um Áiteanna a bhfuil Tábhacht Chultúrtha leo, 2013.