An Scéim
Chuir Comhairle Cathrach na Gaillimhe, i gcomhar leis an Údarás Náisiúnta Iompair agus le Ciste Forbartha Athnuachana Uirbí na Roinne Tithíochta, tús le Tionscadal Athnuachana na Sráide Trasna i mí na Bealtaine 2024 nuair a ceapadh BDF (Building Design Partnership) ina phríomhailtire ar an bhfoireann Dearaidh Ildisciplínigh chun oibreacha athfhorbartha a dhearadh don tSráid Thrasna, an tSráid Láir, Bóithrín na Bláthaí agus Slí na Bláthaí i lár na cathrach.
Tá sé mar aidhm ag an tionscadal fearann poiblí na sráideanna seo a fheabhsú, i gcomhréir le cuspóirí straitéiseacha Straitéis Fearainn Phoiblí Chomhairle Cathrach na Gaillimhe chun caighdeán an tírdhreacha a ardú agus leibhéal comhsheasmhachta sa dearadh a bhaint amach. Tá sé mar aidhm leis an tionscadal freisin tús áite a thabhairt don tsábháilteacht do choisithe agus do rothaithe, rud a spreagfaidh aistriú módach ó úsáid carranna príobháideacha. Cuideoidh sé sin le brú tráchta a laghdú i lár na cathrach, agus beidh daoine ábalta tairbhe a bhaint as na buntáistí sláinte a bhaineann le taisteal gníomhach mar aon le hastaíochtaí gás ceaptha teasa a laghdú. Féachfar le forbairt an deartha freisin bearta breise a áireamh chun an timpeallacht a chosaint, lena n-áirítear Draenáil Uirbeach Inbhuanaithe agus Réitigh Nádúrbhunaithe, nuair is féidir. Trí na feabhsuithe seo a dhéanamh ar líonra lár na cathrach, tacófar le cathair bheo, cuirfear feabhas ar insiúltacht lár na cathrach, cuirfear le carachtar an tsráid-dreacha, agus ceadófar eispéireas leanúnach ar shráideanna ar ardchaighdeán do chuairteoirí.
| An dul chun cinn go dtí seo | |
| Bealtaine 2024 | BDP (Building Design Partnership) ceaptha ina phríomhailtire ar an bhfoireann Dearaidh Ildisciplíneach don dearadh |
| Lúnasa 2024 |
Mar chuid den chéad chéim bailithe eolais agus chun tús a chur le roghanna deartha a chur i dtoll a chéile, reáchtáil Comhairle Cathrach na Gaillimhe sraith Ceardlann Rannpháirtíochta le Páirtithe Leasmhara sa Taibhdhearc, ar an tSráid Láir i nGaillimh i mí Lúnasa 2024. Chuir an t-aiseolas a fuarthas le linn na gceardlann seo bonn eolais faoin bpróiseas dearaidh maidir le tuiscint a fháil ar an Áit agus ar an gComhthéacs. Tá sonraí faoin imeacht seo, agus faoin aiseolas a fuarthas, ar fáil ar an Leathanach Rannpháirtíochta Poiblí. |
| Deireadh Fómhair 2024 | Foilsíodh an chéad Phlean agus Bunachar Sonraí Comhairliúcháin, i ndiaidh na gCeardlann Rannpháirtíochta i Lúnasa 2024. |
| Eanáir 2025 |
Tar éis athbhreithniú a dhéanamh ar an aiseolas a fuarthas ó na Ceardlanna Rannpháirtíochta i mí Lúnasa 2024, athbhreithniú a dhéanamh ar an mbonn straitéiseach agus beartais atá leis an scéim agus staidéir agus suirbhéanna tosaigh a chur i gcrích, reáchtáladh an dara ceardlann neamhreachtúil do pháirtithe leasmhara i mí Eanáir 2025 chun roghanna tionscadail a chur i láthair páirtithe leasmhara. Bailíodh tuilleadh aiseolais lena linn sin chun bonn eolais a chur faoin dearadh agus chun líon na roghanna a mheastar a bheith oiriúnach lena gcur ar aghaidh chuig Céim Mheasúnaithe na Roghanna a bheachtú. Tá sonraí faoin imeacht seo, agus faoin aiseolas a fuarthas, ar fáil ar an Leathanach Rannpháirtíochta Poiblí. |
| Aibreán 2025 | Foilsíodh an Plean agus Bunachar Sonraí Comhairliúcháin Nuashonraithe, i ndiaidh Cheardlanna Rannpháirtíochta Eanáir 2025. |
Na Chéad Chéimeanna Eile:
Tar éis an dara ceardlann neamhreachtúil do pháirtithe leasmhara a chur i gcrích i mí Eanáir 2025, rachaidh na roghanna inmharthana a aithníodh ón aiseolas rannpháirtíochta ar aghaidh anois go dtí an Measúnú Roghanna/Próiseas Breithmheasa chun Rogha is Dealraithe a Roghnófar a aithint. Déanfar na roghanna inmharthana a mheas de réir Threoirlínte Bonneagair na Roinne Caiteachais Phoiblí, Sheachadadh PFN agus Athchóirithe. Nuair a bheidh an Rogha is Dealraithí a Roghnófar aitheanta agus nuair a bheidh ceadú faighte ó na húdaráis chistiúcháin ina leith, déanfar tuilleadh ceardlann rannpháirtíochta a chur ar bun mar chuid de chéim Réamhdheartha an tionscadail.
Má tá aon cheisteanna nó tuairimí agat faoin scéim seo, déan teagmháil le Foireann Uirbeachais agus Comhfhorbartha Áite Chomhairle Cathrach na Gaillimhe ar urbanism@galwaycity.ie.