Seirbhísí do Dhaoine gan Dídean

Seirbhísí Chomhairle Cathrach na Gaillimhe do Dhaoine gan Dídean

Sonraí Teagmhála na Seirbhíse do Dhaoine gan Dídean
Is féidir teagmháil a dhéanamh le Seirbhísí do Dhaoine gan Dídean Chomhairle Cathrach na Gaillimhe
•    Ar an bhfón: 091-536400.  Luan-Aoine 9am go 4pm
•    ríomhphost: homeless@galwaycity.ie  
•    Seirbhís taobh amuigh de ghnáthuaireanta oibre: 1800 788 877 Luan-Domhnach 7pm - 11pm 
•    Ionad Lae COPE, 091 52 52 59, 16 Garraí an tSionnaigh, Bóthar Le Chéile, an Taobh Thiar, Gaillimh, H91 PV4Y.

Seirbhísí Chomhairle Cathrach na Gaillimhe do Dhaoine gan Dídean

Má tá tú (a) gan dídean, (b) i mbaol a bheith gan dídean, (c) ag codladh amuigh, agus más i gCathair na Gaillimhe a bhí do sheoladh buan deireanach agus/nó má tá Iarratas bailí ar Thithíocht Shóisialta agat, is féidir leat teagmháil a dhéanamh leis an bhfoireann gan dídean ar an uimhir 091 536400 nó ríomhphost a sheoladh chuig homeless@galwaycity.ie Déanfaidh ball dár bhfoireann measúnú.

D’fhéadfadh an fhaisnéis seo a leanas a bheith ag teastáil chun an measúnú a dhéanamh.

  • Aitheantas fótagrafach (ID) do gach duine fásta agus leanbh (má tá sé ar fáil)

  • Cruthúnas USPS do dhaoine fásta agus do leanaí

  • Comhfhreagras ina ndeimhnítear go bhfuiltear gan dídean - NTQ

  • Ráitis bainc

  • Cruthúnas ar ioncam

  • Cruthúnas ar stair chóiríochta chun dlínse a bhunú maidir le heaspa dídine duine de réir an Achta Tithíochta, 1988 (alt 10)

 

Seirbhís Aimsithe Áiteanna ÍCT le haghaidh Daoine gan Dídean

Le bheith cáilithe do ÍCT le haghaidh Daoine gan Dídean, bíonn feidhm ag na coinníollacha seo a leanas

  • Má tá tú i gCóiríocht Éigeandála nó má tá Fógra Fágála bailí agat ó do Thiarna Talún

  • Má tá iarratas bailí suas chun dáta agat ar Thithíocht Shóisialta le Comhairle Cathrach na Gaillimhe

  • Má tá tú gan dídean nó i mbaol a bheith gan dídean agus mura bhfuil aon rogha eile cóiríochta agat

Déanfaidh foireann ÍCT le haghaidh Daoine gan Dídean an beart

  • Nuair a bheidh Cóiríocht Phríobháideach ar Cíos faighte agat, is féidir linn cabhrú leat le hEarlais agus le cíos míosa roimh ré chun tionóntacht a fháil. 
  • Ní mór duit cloí le coinníollacha ÍCT do Dhaoine gan Dídean chun an íocaíocht seo a fháil.
  • Is féidir teagmháil a dhéanamh leis an tSeirbhís Aimsithe Áiteanna ÍCT trí ríomhphost a sheoladh chuig placefinder@galwaycity.ie 

 

Tá tuilleadh eolais maidir leis an Scéim ÍCT anseo 

Má fuair tú Fógra Foirceannta ó do Thiarna Talún

Beidh na cáipéisí seo a leanas ag teastáil ón Oifigeach Cothabhála Tionóntachta:

Cóip den fhógra foirceannta agus do litir chomhlíonta ó Threshold chuig Comhairle Cathrach na Gaillimhe. Is féidir iad seo a chur ar ríomhphost chuig tenancysustainment@galwaycity.ie nó housing.department@galwaycity.ie ar an bpost chuig Comhairle Cathrach na Gaillimhe, Halla na Cathrach, Gaillimh nó iad a leagan isteach tú féin ag an gCuntar Tithíochta.

Tá na tacaíochtaí seo a leanas ar fáil:

  • Threshold

Is seirbhís comhairle agus abhcóideachta líne tosaigh í Threshold do daoine a bhfuil fadhbanna tithíochta acu agus do daoine atá i mbaol a bheith gan dídean. Tá a seirbhís saor in aisce, neamhspleách agus faoi rún. Is féidir tuilleadh eolais a fháil ar www.threshold.ie nó cuir glaoch saor in aisce ar 1800 454 454 nó seol ríomhphost - advice@threshold.ie 

  • Clann Shíomóin na Gaillimhe

Chun atreorú a dhéanamh chuig seirbhísí Chlann Shíomóin na Gaillimhe, cliceáil anseo nó déan teagmháil leo ar 091-381828
Ríomhphost: info@galwaysimon.ie

Beidh an Fhoireann chun Easpa Dídine a Chosc i dteagmháil leat in am trátha tar éis an féin-atreorú a chur isteach.

 

Tuilleadh Eolais:

  • An Bord um Thionóntachtaí Cónaithe Príobháideacha (BTCP).
    Má tá tú ag fáil cóiríocht ar cíos go príobháideach agus má tá díospóid agat le do thiarna talún, cuireann an Bord um Thionóntachtaí Cónaithe Príobháideacha seirbhís réitigh díospóide tionónta tiarna talún ar fáil. Ní gá an tionóntacht a bheith cláraithe chun teacht a bheith ar an tseirbhís seo. Cuidíonn idirghabhálaí leis na páirtithe seasaimh a chéile faoi seach a fhiosrú agus teacht ar réiteach ar an díospóid a bheidh comhaontaithe ag an dá pháirtí.

Déan teagmháil leis an mBord um Thionóntachtaí Cónaithe Príobháideacha ag 0818 303 037, Luan go hAoine: 9am go 5pm. Nó téigh chuig an suíomh gréasáin www.prtb.ie

 

Comhairle/Seirbhísí Tacaíochta Eile:

  • Seirbhísí Buiséadaithe agus Comhairle Airgeadais- (076) 107 2570 galway@mabs.ie 
  • Eolas do Shaoránaigh 0818 077600 galway@citinfo.ie 
  • Gluaiseacht Lucht Siúil na Gaillimhe (091) 765390 info@gtmtrav.ie

  • Helplink Mental Health - (091) 759 887 Ríomhphost: helplinksupport@helplink.ie

  • Seirbhís Comhairleoireachta an Lucht Siúil - Fón: (087) 6379074

  • Na Samáraigh - Fón: 116 123 

  • Líne Chabhrach Féinmharaithe Pieta House - Fón: 1800 247 247 

  • Women’s Aid - 1800 341 900 info@womensaid.ie

  • Freagairt Foréigin Baile na Gaillimhe (091) 866 740 (087) 773 7957 agus (087) 164 6454

  • An Ghníomhaireacht Títhíochta: Housing Agency 

 

 

Léirithe Spéise – Cóiríocht Éigeandála

Tá Comhairle Cathrach na Gaillimhe agus Comhairle Chontae na Gaillimhe ag lorg léirithe spéise ó lucht Óstáin, ó Úinéirí Tithe Lóistín, lucht B&B agus ó dhaoine a bhfuil aonaid fhéinchuimsitheacha lena mbealach isteach féin acu ar mian leo a n-áis nó a seomraí a áireamh ar liosta na Comhairle de Chóiríocht Éigeandála do theaghlaigh agus do dhaoine gan dídean.  Ní mór don chóiríocht seo a bheith lonnaithe i gCathair na Gaillimhe nó i mbailte agus sráidbhailte gar do Chathair na Gaillimhe agus ní mór naisc mhaithe iompair phoiblí a bheith ar fáil ann le seirbhísí laethúla rialta.   

D'fhéadfadh gá a bheith le seomraí teaghlaigh agus aonair chun freastal ar riachtanais cóiríochta éigeandála de réir mar a thagann siad chun cinn.

Déanfaidh Comhairle Cathrach na Gaillimhe agus Comhairle Chontae na Gaillimhe trína soláthraí seirbhíse 

• Cliaint a ainmniú de réir mar is gá

• Táille chomhaontaithe a íoc

Ba cheart go sonrófaí sna haighneachtaí an cineál cóiríochta atá i gceist, an líon seomraí atá le háireamh, an praghas in aghaidh na hoíche/na seachtaine/na míosa agus ba cheart go ndeimhneofaí go bhfuil áiseanna lónadóireachta agus níocháin ar fáil.

Ba chóir í a sheoladh chuig homeless@galwaycity.ie le cur faoi bhráid an Oifigigh Riaracháin faoi Dé hAoine an 25 Iúil 2025 nó roimhe sin. 

Mairfidh aon phainéal a d’fhéadfaí a chur le chéile 2 bhliain ar a laghad ó dháta an tsocrúcháin. 

Ní chuireann léiriú spéise a chur ar aghaidh aon oibleagáid ar Chomhairle Cathrach na Gaillimhe ná ar Chomhairle Chontae na Gaillimhe comhaontú a dhéanamh le soláthraí.