Tionscadail Iarfheistithe

Mar chuid de Chlár Fionnachtaithe Údarás Fuinnimh Inmharthana na hÉireann, roghnaíodh Ionad Pobail Chnoc na Cathrach chun oibreacha doimhne iarfheistithe fuinnimh a dhéanamh air d’fhonn spriocanna 2030 don éifeachtúlacht fuinnimh agus laghdú carbóin a bhaint amach. Tá an t-ionad ar cheann de na 10 nÚsáideoir Shuntasacha Fuinnimh is mó as foirgnimh Chomhairle Cathrach na Gaillimhe. Tógadh an t-ionad in 2005; ionad spórt tirim agus fóillíochta é ina bhfuil seomraí ilchuspóireacha, oifigí, áiteanna gléasta agus halla spóirt atá oscailte don phobal. Cuireadh síneadh leis in 2015.

Seo na cuspóirí a bhí leis an obair a rinneadh faoin gclár:

• Laghdú 50% ar a laghad a bhaint amach ar astaíochtaí carbóin.
• Rátáil BER a fheabhsú go leibhéal A3
• Teicneolaíochtaí fuinnimh in-athnuaite a úsáid
• An compord teirmeach agus an aerdhíonacht a fheabhsú

Seo a bhfuil bainte amach mar gheall ar an obair:

• Laghdú 65.47% ar astaíochtaí tco2 i dtreo spriocanna 2030
• Sábháil bhliantúil €28,499.00
• Rátáil BER an fhoirgnimh uasghrádaithe go A3

Sna hoibreacha faoin gClár Fionnachtaithe a rinneadh ar Ionad Pobail Chnoc na Cathrach, tá sampla ann de mheasúnú cuimsitheach ar an bhfoirgneamh agus ar riachtanais an fhoirgnimh ó thaobh dícharbónaithe mar Úsáideoir Suntasach Fuinnimh. Mar thoradh ar bhearta ar nós uasghrádú ar an gcreatlach, córais éifeachtúla téite agus giniúint in-athnuaite fuinnimh, bhíothas in ann an foirgneamh a fhorbairt go caighdeán i bhfad níos airde ná na hoibleagáidí is ísle do 2030 chun go seasfaidh an foirgneamh an aimsir san fhadtéarma.