Comharsanacht bhríomhar faoi leith é an Limistéar Thiar i gCathair na Gaillimhe. Tá an-stair ag baint leis an áit, atá suite díreach ar an taobh eile de bhunbhallaí na cathrach agus scartha ag Abhainn na Gaillimhe le lár na cathrach. Croílár tionsclaíochta a bhí ann tráth agus bhí rath agus bláth ar an áit mar ionad trádála nuair a osclaíodh an chanáil sa bliain 1852. Tá an áit faoi bhláth fós sa lá atá inniu ann agus pobal láidir gníomhach gnó ann.
Tréith faoi leith a bhaineann leis an gcuid seo den chathair ná an líonra uiscebhealaí atá ann, taobh le sraitheanna deasa tithe agus meascán bríomhar de shiopaí, tithe tábhairne, caiféanna