Tabhair faoi deara, le do thoil, gur do shealbhóirí tí Chathair na Gaillimhe amháin atá an t-eolas seo a leanas. Má tá tú i do chónaí lasmuigh de theorainn Chathair na Gaillimhe, déan teagmháil leis an údarás áitiúil ábhartha le do thoil.
Ní hamháin go bhfuil Dumpáil Mhídhleathach gránna, ach déanann sí an-dochar do thimpeallacht agus d’fhiadhúlra na cathrach freisin. Guais fhéideartha tine agus baol don tsláinte phoiblí atá inti freisin.
Bhuaigh Comhairle Cathrach na Gaillimhe an Gradam do Sheirbhísí, Íocaíochtaí agus Idirbhearta Digiteacha ag Gradaim ríomh-Rialtais na hÉireann 2026 as a cur chuige nuálach agus cuimsitheach i leith íocaíochtaí páirceála i gCathair na Gaillimhe. Tugtar aitheantas leis an ngradam seo don athrú ó bhonn atá déanta ag an gComhairle ar a seirbhís íocaíochta páirceála, ag imeacht ó chóras a bhí ag brath go príomha ar mheaisíní íoc agus taispeáin ar an tsráid go dtí samhail sholúbtha “Tá Neart Bealaí Íocaíochta Ann”.
Tá Comhairle Cathrach na Gaillimhe ainmnithe ag an nGníomhaireacht um Chaomhnú Comhshaoil (EPA) ar cheann de na trí údarás áitiúla is fearr maidir le forfheidhmiú comhshaoil i dTuarascáil Feidhmíochta Forfheidhmithe Comhshaoil na nÚdarás Áitiúil 2025.
Tá Comhairle Cathrach na Gaillimhe ag tabhairt faoi chomhairliúchán poiblí maidir le soláthar ceamaraí TCI i spásanna poiblí i gCathair na Gaillimhe. Tá do thuairimí uainn maidir le TCI a chur i bhfeidhm chun Caitheamh Bruscair agus Dumpáil Mhídhleathach a chosc sna háiteanna seo a leanas: Fána Glas agus Sliabh Bán, An Baile Bán, Gaillimh
