Is Iomaí Bealach atá ann le hÍoc as Páirceáil

Tá bealaí éasca éagsúla ann anois le híoc as páirceáil i gCathair na Gaillimhe. 

Roghnaigh an bealach is fearr a oireann duit:

  • Aip: íoslódáil an aip Galway City Parking (Android agus iPhone).
  • Suíomh Gréasáin: íoc ar www.GalwayCityParking.ie
  • Fón: glaoigh ar na línte íocaíochta páirceála - (091) 894 300
  • Ar an Láthair (airgead tirim nó cárta): íoc in aon siopa miondíolacháin Payzone - cuardaigh an comhartha bándearg Payzone nó féach ar liosta de mhiondíoltóirí Payzone i gCathair na Gaillimhe, nó féach ar léarscáil de shuíomhanna Payzone i gCathair na Gaillimhe.
Parking Webpage Spotlight

Tionscadal Athchóirithe Choill Mhuirlinne

Tá Comhairle Cathrach na Gaillimhe ag déanamh dul chun cinn ar a plean coillearnach dhúchasach a dhéanamh as Coill Mhuirlinne, chun gnáthóg níos seasmhaí agus áis don phobal a chruthú in áit a ndearna Stoirm Éowyn go leor damáiste i mí Eanáir 2025. 
Ó mhí an Mhárta 2026 ar aghaidh, agus Tionscadal Athchóirithe Choill Mhuirlinne á phleanáil, bhí an Chomhairle ag plé le páirtithe leasmhara éagsúla agus tá éisteacht tugtha dóibh. Bunaithe ar an toradh a d’eascair as cuid den phlé sin, iarradh trí chineál comhairle ó shaineolaithe; comhairle éiceolaíochta, comhairle chrannadóireachta agus comhairle zó-eolaíochta. 

Merlin Woods

Rannpháirtíocht Phoiblí: Uiscí Snámha a Shainaithint

Ní mór d’údaráis áitiúla láithreacha oifigiúla snámha a shainaithint ina limistéar gach bliain ionas gur féidir faireachán a dhéanamh ar na láithreacha sin maidir lena sábháilteacht, lena gcáilíocht uisce agus lena leibhéal úsáide.  D’fhonn cabhrú leis an bpróiseas sin, tá Comhairle Cathrach na Gaillimhe ag iarraidh ar dhaoine a bhíonn ag snámh ag tránna, i lochanna nó in aibhneacha a chur in iúl di cé acu ba cheart di na hainmniúcháin reatha uiscí snámha a choinneáil i bhfeidhm nó ainmniúchán oifigiúil nua láthair shnámha a thabhairt do láithreacha a úsáidtear chun críocha snámha go minic agus nach bhfuil sainaitheanta mar láithreacha snámha faoi láthair.
 

slider_BathingWaters.jpg
Streets 2030

An Tionscadal Sráideanna 2030

20 November 2026

Tá Comhairle Cathrach na Gaillimhe i gcomhpháirtíocht le cathracha eile i dtíortha Iarthuaisceart na hEorpa chun comhoibriú ar an tionscadal Sráideanna 2030 atá á mhaoiniú ag Interreg. Is é is aidhm don Tionscadal seo an t-athrú a theastaíonn chun a chinntiú go bhfanfaidh sráideanna Iarthuaisceart na hEorpa sábháilte agus tarraingteach don rothaíocht agus don siúl a bhaint amach, a fhágfaidh go mbeidh siad seasmhach ó thaobh na haeráide agus go mbeidh siad gníomhach faoi 2030.

cover of budget book showing an aerial of Galway City over the Corrib

Dréachtbhuiséad 2027 Foilsithe ag Comhairle Cathrach na Gaillimhe ina Moltar Infheistíocht os cionn €176 mhilliún chun Tacú le Fás na Cathrach Amach Anseo

17 November 2026

Tá Dréachtbhuiséad 2027 foilsithe ag Comhairle Cathrach na Gaillimhe, ina leagtar amach clár infheistíochta beartaithe ar fiú níos mó ná €176 mhilliún é chun tacú le cathair atá ag dul i méid, chun pobail a neartú, chun bonneagar ríthábhachtach a chur ar fáil agus chun Gaillimh a réiteach do na deiseanna agus na dúshláin a thiocfaidh chun cinn sna blianta amach romhainn.