Nuacht

TUGTAR FÓGRA LEIS SEO go bhfuil ordú dúnta déanta ag Comhairle Cathrach na Gaillimhe maidir le: Sráid Láir: Ó acomhal Sráid na Súdairí go dtí acomhal Sráid San Aibhistín.

Tionscnamh Oiliúna nua “Slán Sábháilte” do Ghnólachtaí agus Oibrithe Geilleagair Oíche. Cuirfidh tionscnamh sábháilteachta don Gheilleagar Oíche ar a dtugtar “Slán Sábháilte” oiliúint agus teimpléid pholasaí ar líne saor in aisce ar fáil do ghnólachtaí Geilleagair Oíche agus dá n-oibrithe. Tá an clár seo, a d’fhógair an tAire Cultúir, Cumarsáide agus Spóirt, Patrick O’Donovan TD, leagtha amach chun saol na hoíche a dhéanamh níos sábháilte, níos ionchuimsithí agus níos taitneamhaí do chách.

An Tobar – Tairseach Iarratais Oscailte Anois

🌐 Iarr ar líne ag: www.galwaycity.ie/antobar

Ná caill do sheans iarratas a dhéanamh! ✅

Tá Comhairle Cathrach na Gaillimhe ag tabhairt isteach scéim nua cíosa do thionachtaí tithíochta sóisialta, chun gur féidir tacaíocht níos fearr a chur ar fáil mar a bhaineann le feabhas a chur ar sheachadadh seirbhisí, ar chothabháil agus iarfheistiú agus ar an tacaíocht do thionóntaí.

Tá dara Féile Aeráide na Gaillimhe 10-14 Meán Fómhair (www.GalwayClimateFestival.ie) ag tabhairt cuireadh do gach duine—teaghlaigh, ealaíontóirí, gnólachtaí, mic léinn, agus pobail ar fud Iarthar na hÉireann agus níos faide i gcéin— teacht le chéile chun ceiliúradh spreagúil a dhéanamh ar ghníomhaíocht aeráide, cruthaitheacht agus dóchas comhchoiteann.

An tseachtain roimh Dhomhnach na Reilige: Beidh na geataí ar oscailt ó 8am – 8 pm ón Luan, an 8 Meán Fómhair 2025 go dtí an Aoine, an 12 Meán Fómhair 2025 le go mbeidh daoine in ann ullmhúchán a dhéanamh i gcomhair Dhomhnach na Reilige. “Beidh na gnáthuaireanta oscailte ón 8:00r.n. go 4:00i.n. i bhfeidhm Dé Sathairn an 13 Meán Fómhair 2025.

TUGTAR FÓGRA LEIS SEO go bhfuil sé beartaithe ag Comhairle Cathrach na Gaillimhe ordú a dhéanamh ag dúnadh:- Sráid Láir: Ó acomhal Sráid na Súdairí go dtí acomhal Sráid San Aibhistín

D’fhógair Comhairle Cathrach na Gaillimhe ceapachán triúr Oifigeach Forbartha Uirbí agus Pobail inniu chun tacaíocht spriocdhírithe a thabhairt do ghrúpaí pobail agus deonacha sa gCathair. Tacóidh na róil cheannródaíocha seo le forbairt agus cumasú pobal áitiúil, ag obair le cónaitheoirí, grúpaí pobail, agus páirtithe leasmhara eile chun tionscnaimh forbartha a chur i bhfeidhm, agus chun aontacht pobail a fheabhsú.

Tá lúcháir ar Chomhairle Cathrach na Gaillimhe go bhfuil maoiniú faighte aici ón gComhairle Oidhreachta chun Suirbhé Oidhreachta Dúchasaí a dhéanamh ar Bhaile an Dúlaigh, Cathair na Gaillimhe. Déanfar taifead sa suirbhé ar réimse leathan míreanna lena n-áirítear foirgnimh, obair mhiotalóireachta, litríocht, tagairtí béaloidis agus logainmneacha, agus úsáidfear é chun Plean Bainistíochta Caomhnaithe Fahy’s Farm a ullmhú – coimpléasc feirme dúchasaí atá faoi úinéireacht Chomhairle Cathrach na Gaillimhe.